اسوآر منفي داخل الصدر مذبوح
طير السلام الي شكا ظلم سفاح
سولف ترى بعض السوالف دوا روح
عقب البطا من يسمع الهرج يرتاح
والهرج ماهو طعنةٍ تقتل البوح
الهرج قولك حكمتك نور الاصباح
فيك انبلج نورٍ على الناس مفضوح
كل من يراه يقول ياصبح الافراح
لا جيت لك كلي من الوقت مجروح
لقيت حرفك بلسم الجرح مصباح
ينير لي دربي على كل مصلوح
ويردني عن سكة التيه بجناح
آسف على نفسي ولو قلت مسموح
وآسف على الي ماعرف مثلك إن طاح
وما كل راجح له مع الناس مرجوح
ولا كل راجع له مع الناس مرواح
ولا كل شارح يُفهم الكُل مشروح
بعض الوصايف سدها للفضا باح
أدري بأني غامضٍ كلي وضوح
وأدري بأنك للفلك نور وضاح
شكراً لأنك بالوفا مبعدة شوح
وشكراً لأني في معانيك سبْاح