لاوالله إلا حقق الحظ سلمى
لقيتها في وسط مصر الجديده
فيها برودٍ يجعل الكون يحمى
ومنها الكلام ان غازلت به قصيده
ان ناظرت يتفرعن الكل.. اما
ان صدت الامير يرثي عبيده
سلمى فؤادي منه ماهي بسلمى
ولاني بعد سالم بشوف الرغيده
اقتل قصيدي لو عن الزين يكمى
هي القصيد وهيّ ايظاً فريده
الحرف نفسه لالفت فيه يسما
والحبر يبدا في تباهيه عيده
كل ما ارتوى يضمى ويروى ويضمى
ويذوب دفتر بالقصايد وليده
اقدمت في خطوة فكر ماتسمى
واحتر واقف بيد فرصه اكيده
ان قلت اخلي طرحة الحكي تُرمى
تبعد بي العاده ونهج العقيده
واقفيت كني ماشي الدرب اعمى
عصبٍ شعوري ماسكه مع وريده
النور في دربي ولو تهت ظلمى
وصار اللقا وسط الجفى والقصيده
وان جت على سلمى تغور ألف سلمى
والله يسامح كل مصر الجديده