في سوق الخوف
بضاعة وم البرايا ألوف
تبيعها الدنيا لمريدها
ولا بيرد يوم إيدها
وهيه ناصبة ع المكشوف
في أرض الخوف
طليق العقل مش مكتوف
طريق العقل كله حروف
هيقراها يرتلها
ويفهمها ويعقلها
فينقذ عطفه بالمعطوف
في أرض الخوف
سكك واضحة
ولكن العتب ع الشوف
ف ده من نفسه وسواسه
وده تابع لخناسه
وده علمه نتاج راسه
ولا عاجبه لا شيخه قال
ولا ذاكر بكراسه
وداير في العقول تلوين
يقولك دي عقول بالية ومحتاجة تعيد تكوين
يا سابل ع العباد ستره
وكله بإذنه وبأمره
يا واهب للإيمان كعبة
وزارع في القلوب حبة
متينة وطلعها محبة
تداويني بهداك م الخوف