ملوك الحرف ما تتعب عشان الوصف والتركيب
يترجمها الشعور الي تشوف العين تعريفه
( ضناني الشوق ) يا كثر الجروح الي تشق الجيب
يقوله من نفذ صبره على فرقا مواليفه
دخيلك لا تخليني لحالي والفراق مهيب
تراني خاطري عاده حزين ونفسي معيفه
شعوري من بعدها فوضوي يحتاج للترتيب
تكركاب المشاعر فالضمير اسبابه مخيفه
اصارع ضيقتي في كل ليله واختلي واغيب
معي جرحٍ قديم وزاد نزفه عقب توقيفه
مع دروب الغياب الموحشه راسي غزاه الشيب
اثر عمر الشقا مع لذته تاليه تخريفه
تخطفني وجيه العابرين وغايتي فالغيب
عساها في نعيمٍ مستمر ورحابه مريفه
على اني كل ليله في محلي يكثر الترحيب
ادوّر فالملامح وجهها ما زارني طيفه