يا قلبي هام واهتم وانقاد
ما عد لي حيله ولاهو بيدي
غصب علي اطيع قلبي يالأجواد
طاوعت قلبي لين بيح بسدي
هام ورماني في متاهات وأبعاد
وأخذت افكر في زمان معدي
بالعمر هذا أحب يا غض الأنهاد؟
احس به لحدود غيري تعدي
ولا صحيح أجرب الحظ لاجاد
قال انتبه ذي فرصتك لا تعدي
وحب الصغير الي هله صارو أضداد
ضدي وقلبي صار يا ناس ضدي
عادل بعد عندي فلذات الأكباد
حبه سطا بيه وأنا فيه ودي
وأهله غدوا عدواني أجداد وأحفاد
كن العداوة بين جده وجدي