يا بيرق العز يا موحد بيارقنا
قايد وطنا رفعك بوسط خافقنا
شامخ وعالي ترفرف في سما غالي
ما حد يقدر على عزك يسابقنا
انت العلم وانت رمز لمجدنا النايف
عز العزيز القوي وزبن للخايف
واحنا بامرك مثل ما ناظرك شايف
شلنا غلاك وشموخك فوق عاتقنا
نرفعك بين الامم ونخلد الوانك
والله يعلي ويرفع قدرك وشانك
ما يهمنا نموت يالغالي على شانك
ما دام كل الفخر باسمك يعانقنا
انت العلم وانت رمز لمجدنا النايف
عز العزيز القوي وزبن للخايف
واحنا بامرك مثل ما ناظرك شايف
شلنا غلاك وشموخك فوق عاتقنا
تحفظك عين الاله العالي الدايم
للشعب لى في غلاك ورفعتك هايم
يا بيرق العز يعلك في علا دايم
خفاق ويصافحك بالمجد بارقنا