يا لولو مدري ياماس

يا لولو مدري ياماس . . . !

اعبد رب عيونك ….

اعبدرب الشامه ….

ربك …

رب الناس

. من سواك

انسانه ..

مليانه طيبه

واحساس ..!

باخلاقك ولا بالزين . .

من شافك عاش بدوامه

عينك واللي تحت العين . .

نقطة ضعفي هذي الشامه . .

والسلهامه ….؟

السلهامه ….

حد امواس . . . !

كل

اوربا منّك مذهوله ماتدري

شاللي صاير ..

زعّلتي جيادا ويلشتاير

رغم انك من كل اوروبا

زعلانه ..

واصبحتي منهم

مرعوبه

جدا

مثل الريم

الجنالذاير ..

زعلانه يوم

يغازلْك. .

في اوروبا ..

اللي رايح واللي

راد

سين

-اجداد

-احفاد

وتلومين …!

ينلام الميت

جوع انه

يركض ركض ان

شاف الزاد …!

مرّه حسّي ..

حسي فيني ..

جسّي نبضي ..

اشفي عيني ..

ردي قلبي ..

مسّي روحي

.حسّي بي يابنت

الناس …!

ولاّ الود

لناس

وناس ..؟!

وانتي ابخص ..

الدنيا لعيونك

ترخص ..

حتى صدري لك

مجلاس ..

و هذي ضلعيني

قوسين ..

و انتي بالقوسين

وغيرك

مجلاسه برا

الاقواس .

ومهما حولي يزدادون ..

هم فروع اما انتي

الساس …!

انتي للعطشان

المي ..

مابك شي احلى

من شي ..

كل نسمه منّك

تنشمّ

وكل خصله منّك

تنباااااس ..!