يا اللي جروحك باقية مثل ذكراك
مشاعري لك تلتهب بين نارين
بين اشتياقي لك وتفسير جفواك
ابكي عليك بعين واحضنك في عين
أزعل عليك احيان واقول أب اسلاك
ألعب على نفسي وانا خابرك وين!
في وسط قلبي وين ما رحتي القاك
غيم وقمر ونجوم.. عطر وبساتين
وانا لو اقدر قلت لك باقدر انساك
ولنفترض بانساك! معقول تنسين!!
ف غيابك التنهيد ينبِت بي اشواك
غابات شوك استنبتت بي من سنين
تنهيدتي لا من تذكرت فرقاك
مثل الحزن في نظرة عيون دارين