صباح النور نور ينثر

صباح النور نور ينثّر

الظلما . . . . . !

يلاشيها

الى ما الكون تصبح

شفّته

بلما . . . . . !

صباحك ضو ..

ضو يصيح

باعلى

صوت ويسمّع ..

بصوته ناظر

الاعمى ……!

سحاب يغازل

الاشجار ..…!

ندى منهار ……!

تمسّك في ورقها

قد مايقدر ……!

يخاف يطيح .. .. ..

متعوّر قبل من طيحة

الامطار ……!

من الاخر صباحك

ورد

ورد بجيتك

يفرح ..

لو تمرين ورد الورد

يتفتح ..

لو تمرين صدع الصدع يجمع

حاله بحاله

و يتصلح ..

رقيقه ما ارقّك بس

اشك السيف يجرح حاله

بكفك ..

لكفّك ما اظن

يجرح ..!

من الاشواق ..

قلبي داخلي

حامي وانا كلي

بديت احمى ..

بديت

اظما …..!

لهذا الشوق

من يكمي وهذا

شوق

ما يكمى ..

صباحك حب؟

-متأكد ..

صباحك عشق؟

-متأكد

لحدٍ ما ..!

احبك حب

باسبابه

جهلت الناس .. كل

الناس ..

لكن

فيك

ربي زادني علما …!

احبك ..

كلهم بالصبح

عاديين …

بس انتي

خرافيه ..

من اللي قال

عاديه ..

لو تشوفين اجمل امرأه

بالكون ..

تلقين انك اجمل منّها

بسنين

ضوئية ..!

تشوفينه؟!

حبيبك يا سماه

اومى بقلبه

قبل

لا يومي

بكفّينه ..

رسم لك قلب

بالسبابتين

وفي ابهامينه ..

تشوفينه؟

حبيبك باليدين

اومى ..

تمنينه يجيك

او ما ..

تمنينه ..

ترا لك عرش

في قلبه ولك

فراش في

عينه..!

صباحك ضو

ضو يجيك

ما يسألك ..

يمر الغيم

يسرق منه القطرات

ويبللك ..

و قبل كل شي ..

ما اجملك !

وصلنا بالكلام

لوين ؟..

يمر الغيم ..

بعد مايخنق

الظلما ..

يبلل وجهك ووجهك

كأنه ماء غرق في

ماء ..!

جميع الحب هذا

كان ..

رسالة صبحك

الاسمى ..!

صباح الماء …!