في عيد ميلاده عديم السجايا
والله مدري وش يوفي مقامه
ودي اقدم له جميع الهدايا
توه كمل ( سبعة وعشرين ) عامه
هذي شموع الحب جنب المرايا
كلاً يقدم لك غلاه ، وسلامه
ومنك يتحضنهم بياض النوايا
ياللي تكفي نظرته عن كلامه
يفرح ، وتفرح معه كل الصبايا
زاهٍ على خده من الحسن شامه
علي اغني ، لو جروحي عرايا
واحياء معه لو كنت ميت غرامه
تعال ولع فالضلوع الحنايا
حبك ، ونرمي عن خجلك اللثامه
كثر القلوب اللي بحبك ضمايا
شوقي عليك وشوفة الابتسامه
ياواحداً سوا بقلبي سوايا
هذي مضاريبه وهذي سهامه
العمر كله ياعديم السجايا
تعيشه بصحة وخير وسلامه