المجلس اللى فيه غيبه ونمات
حذراك تجلس به وحذراك تلفيه
كم مجلسٍ فيه الندم والحسوفات
خسران منهو يرتكي في متاكيه
وإذا ابتلاك الله ببعض العلاقات
خلك ذهين أحذر رفيق المشاريه
ومتى هرجت احذر تعيد العبارات
وسرّك حذار انك على الناس تبديه
واحرص على خوة رجال المهمات
ولا الردي واللاش ماحد يخاويه
وارفع جنابك عن قلال المروات
من صاحب الجربان بالجرب تعديه
الصقر يرقى بالعلا والسماوات
والديك شوفه ماتعدا مواطيه