يا حبيبي وانت صوتك مثل صوت الاذان
كل ما مر المشاعر يزود ايمانها
معك قلبي يكره الخوف ويحب الامان
عود النفس الحزينه على اطمئنانها
الثقه في كل حاجه عمود الاتزان
لا تحاول يرجح الشك في ميزانها
كيف اخون عيونك السود والعود الليان
لعنبوا من شاف سود العيون وخانها
من يلومك لا تربعت في ذاك المكان
شرهت الخيل الاصيله على فرسانها
ضمني ضمة صغيرٍ يدور للحنان
لا خذته امه تلوى على ذرعانها
انت وجهك عندي اغلا من الغيد الحسان
لا تقلل قدر نفسك وترخي شانها
تدري ان الي يحبك ما يرضى بالطمان
من يعرف اغلا الجواهر يعرف اثمانها