هاجراني كل الحروف
من غير سبب مقنع
فارضين عليا اشوف
واسكت فقط، واسمع
أزمة ومن غير سبب
قلة أدب يعني
يا كل حرف اتفلق
وعلى الله يوم ترجع
هتلاقي مين يكتبك
ويرتبك.. أشعار؟
وتكون معاه الملك
شايل معاني كتار
حكمة وبلاغة وأدب
والحسن توب مهيوب
بطران ومن غير سبب
تبقى بجد حمار
روح ياللا صيع واتبسط
في الهزل والتهجيص
طبع العويل البلِط
ع الخيبة يبقى حريص
في الهايفة تلقاه أسد
في الجد تلقاه فار
وان غار نقول مصلحة
لو هفه يوم أتوبيس