البعد وطول المسافات بينا،
وغياب وغياب
بيخللي العين من نظرتها تتعود
ملهاش احباب
لوصدق ياخال
إن الناس فى البعد بتنسى الناس
طب ليه الناس اللى حدانا فى قلوبها الناس
والله يا خال
كان لينا أحباب بغيابهم مرت أعوام
فى قلوبنا الذكرى بتتشكل لما نحنيلهم
والصوره أهي موجود ودايما فاكرينهم
مش كل الناس اللى البعد ينسينا وجودهم
يا ما كان لينا أحباب
والموت اهو عنا بيبعدهم
لسَّالهم فى قلوبنا حنين
ووجودهم دايما غلاب
احباب والله وفاكرينهم
وكتيير احباب
لكن اغراب الروح بينا،
وأهو رغم وجودهم حوالينا
وفى وشوشنا دايما فى غياب
الروح بتحن لأحبابها وإن كانوا بعاد