يازين ارحم عيوني لاتخليني
دمعي يناديك والمنديل يبكيله
ياوين ابلقاك حتى لو ما الاقيني
من ضاع دربك مافيه اي درب امشيله
الحال كنّه جنون وجا بيغويني
ومن زود مابي شهقت وقمت احكيله
اتصدق اني كتبت بدون يديني
واني قريت لسواد الهم مراسيله
كنّي تعودت ألم الضيق في عيني
ولا اقدر اخبي عن العالم تفاصيله
ياني تعبت اسمعك مع من يسميني
واكلمه باسمك ولاضاق اشكي له
الله يسامحك ع الغيبه يا ناسيني
لكن ترفّق واخر بيت إصغيله
الموت عقبك يقول انه بياتيني
وان كان طوّلت بالغيبه.. انا اجيله