ساحرني
يَا سَاحَرْ كُلّْ النَّاسْ
وْسَاحَرْنِي أَنَاعَنْوَة
مْثِيلْ قْطِيبْ الْيَاسْ
بَالنَّسْمَة يَتْنَشْوَا
النَّظْرَة خْضُورَة
عَلَى مَدّْ الْبَصَرْ
جْمِيلْ الصُّورَة
فَالْحِلّْ وَالسَّفَرْ
مْسَجَّلْ فْلَخْطُورَة
كْثَرْ مَنْ خَطَرْ
بَالدَّلاَلْ وْحَدّْ النَّخْوَة
النَّجْوَى هَمْسْ كْلاَمُو
الْعُشَّاقْ رْضَاوْ بَحْكَامُو
الزِّينْ بَنْدَقْ عَنْدْ قْدَامُو
آسَمْ وْلَقَبْ وْكَنْوَة
الْهَوا تْعَطَّرْ مَنْ شْدَاهْ
وَالضّْيَا تْنَوَّرْ بَبْهَاهْ
الشَّهْدْ يْقُولْ مَا أَحْلاَهْ
بِينُو وْبِينْ الْكَمَالْ خَطْوَة