خارج الشعر صمت وداخله حزن ثاير
للشتاء نار قرض وللعذر ياسمينه..
يحبس الما ويحضنه … الندى والعباير
لو نزف جرح ..طارت ضحكته من يدينه
لي بدايته الخجلى وشمس السراير:
ظاميه ف القُرى ومشّرده ف المدينه
ولي عتيق احتمالاته .. وميعاد حاير
ما وقف عقرب الساعه لرعشة حنينه
مرّني موعدٍ جافي بجنحان طاير!
كنت انا والسؤال اشباه بيني وبينه
ما رهن فضة الما في كفوف البشاير
وحشة الليل بعيونه وخيبة سنينه
للشعور القديم اسرجت مُهر الخساير
طاويٍ كذبة السلوان في حزن عينه