إن كان مالي بين الأشناب وقفات
لأخير في منهو يسوي سواياي
وان كان مال للطيب عندي مقامات
بودع الدنيا وأبقول قود بآي
ويش فايدة رجلن حياته خرابات؟
مأمنه فزعه ل شوراً رأي
ش فايدة رجل يمن بريالات؟
يسلمَ آلمقفي يكرم الجايّ
أحياء لاگْن فيّ الحقيقه هم أموات
وأنا سط قوسين سميتهم فأي
الي مثل ذولاء يبيّ له كتيبات
يدرس دروس المرجله بَ التهجاي
أنا بديت أول حياتيّ وناسات
ومن عقب عشر سنين غيرت مبدأي
خذيت ليّ من لايع القت خبرات
ومن جد فادتني وُأنا فيّ أول صباي
أصبح مابين أهل القرابه عداوات
غريب يفزع ليّ وابن عمي عداي!
أقسم برب البيت رب السماوات
إني أضيق آليا تضايق أخوياي
هاكيف لأصبح ولد عمي بحسرات!
اللهه أفزع له وغصبن عن رضاي
وأصبح مابين أهل الصداقه خلافات
يخاويني ويضحك ويطعن مقفاي
اللهه انيّ مأ حسبت الحسابات
يؤمن جعلته ليّ صديق من أصدقاي
أتغير أقوال وفعايل ولهجأت
قلت السلام وجاني الرد هاي
واتغيرت حتى نوايا وعادات
جيل الدلاعه والمياعه يووُه ياي
دار الزمان ودارت أوقات وأوقات
وعزفت موالي على نغمة الناي
والدمع فيّ عينيّ وفي جوفي آهات
وأخفي أسراري وهمي وبلواي
أشكي على الي منزل كتاب وأيات
أمد كفيني ثم اقرء له دعاي
يحمي قلوب الطيب من كل طعنات
ويغفر ليّ ذنوبي على أوقات سلواي
ويجعل فرحنا بَ الليال المقبلات
ويجعل على درب التوافيق ممشاي