أسفروخذ علم ياسلطان
وأبشر وعطني تباشيره.!
والقلب فيه الثلاث اللوان
والنفس ماتكره الخيره
الاخضر الحب والتحنان
والاصفر السعد والغيره
والابيض الصدق والصدقان
وأنت ابيض الوجه والسيره
والشعر خيل على القيعان
وبله وجينا بباكيره
يقوم جوف اللسان حصان
عزمه وحزمه وتاثيره
يوم أنتظرت الشعور وبان
عقب البطى فندة عيره.!
الصبريالهاجس العجلان
الخيره فكل تا خيره
ياصاحبي سالت الجيان
والوسم بانت مناذيره
خيل وبسم الله الرحمن
على الورق يامغاتيره
مايقسم الله لابده كان
كلٍ على الله تدبيره
لاباس يالخاطر الولهان
تبى تجيبه مداويره
ترى الحذرحيطة الختلان
والصمت تصعب تدابيره
والحب مرجوحة الوجدان
والهجرناره وتعزيره
حر البكى يغسل النسيان
والدمع للعين تصبيره
وأن كان قصدك على إيمان
أخذالبرى وأحسب الجيره
يمرني قايد الغزلان
فالقلب ويدقله زيره
ولا على الارض شانه شان
اليا تهادت مكاسيره
أدخل على الله ياغطن البان
مياس قده وتخصيره
اليا مشت تلتفت ركبان
واليا أوقفت تاقف الديره
واليا حكت تنصت الاذان
والياضحكت تنتشي حيره
لو تبتسم بسمة الغفران
للذنب شبعة خطاطيره
في فمها يرفل الرمان
واللول صفة طوابيره
والصدر روضٍ يدوبه حان
قطفه وزمة مصاغيره
وبطينها ظامرٍ جوعان
بسفل ظهرها تكافيره
مصبوبةٍ كنها الرسلان
والخد تضحك نواويره
الدم في خدها خجلان
من حسنه ايلف ويديره
عطبولةٍ عودها ريان
لطول طويله ولقصيره
تقول زينه أقول أجنان
تقول حلوه أقل شيره
لو شافها رأفت الهجان
علم بسره وتمصيره
ولو شافها سلفادور أبان
رسمه. تخشب محابيره
تفاحة نيوتن الكسلان
هي من جذبها لتغريره
جابتها الاقدار ياسلطان
والنفس ماتكره الخيره