مالقيت المنا عقب طول الجهد
والجهل للدرك والملافض سعد
كيف اذوق الهنا وانت جوف اللحد
والجمل لو برك مالقيت المنا
تبني الي بنا والفنا للعهد
والحبل ينضرك للبشاير ولد
احتكم للفنا يبني الي هدد
والحمل يحذرك تبني الي بنا
المواقف طنا والمعارك جلد
والحيل تخبرك والضعافه لهد
وفدنا وفدنا للسفاره وفد
مااحتمل واعذرك والمواقف طنا
عند ضرب القنا لاتحسب العدد
والعقل يظهرك والشجاعه مدد
الشهاده غنا والنعيم الوعد
والجلل معترك عند ضرب القنا
دوك مني سنا ياطريقي وعد
والجزل يحضرك والهزيل خمد
بينك انته وانا لاضمنت السند
يحتفل ماطرك دوك مني سنا
البعييد دنا والقريب بعد
والنحل ماترك بالمناحل شهد
كيف اذوق العنا وين طير السعد
والسهل به شَرَك والبعييد دنا
لايجيك العنا لانقص لك مدد
والمثل يذكرك من زرع وش حصد
لاجنيت الجنا يوم كل رقد
والعلل تقهرك لايجيك العنا