وأخداني يا

وأخداني يا

دنيا ف دوامة

رمياني ف بحر كبير ياما

من غير لا إشارة ولا علامة

وف لحظة لقيتني ف دوّامة

لو تعطيني لحظة هنيّة

تخفى وراها هموم وأسية

وإن جيتى فيوم تضحكي ليّا

بعد الضحكة بتغدرى بيّا

طول عمري يا دنيا بزرع ورد

ولا عمري ف مرّه غدرت بحد

وإن يوم احتجت للحظة ود

ألاقى إدين بالشوك تتمد

وجراح ف القلب ودموع عالخد

لو يوم تهاديني بناس حلوين

تسرقي من عمري أحلى سنين

وأدينا يا دنيا فيكي عايشين

لكن تايهين بين شوق وحنين

يا دنيا كفاية دا العمر راح

ما بين عذاب وفراق وجراح

نفسى أجرّب طعم الأفراح

وسواد ليلى يطلع له صباح

يا دنيا قاسيت منك ياما

دايما وأخداني ف دوّامة