ليت الندم ياهاجسي عضة ابهام
لدْمي يديني بس ابرتاح منها
وياليتها غربة وطن عشرة اعوام
الروح تصبر دام تسكن بدنها
ولاغربتي مابين نفسي والايام
عجزت اعالج من كسوري وهنها
غربة تسافر بي على بساط الاحلام
وتتركني انشد واقعي المر عنها
غربة سفيهة تشتري اليوم عن عام
وانا اللي ادفع من غبائي ثمنها
تبكي وانا اسهر واطوي الليل مانام
لين الشفق تلمس كفوفه وجنهاا
تصرخ وانا ادفع خطوتي قبل الاقدام
ونفسي حوافر خيل همي وطنها
مدري عبيد الفلس هم نفس الاصنام
ناسن تحقق ذاتها من وثنها
مدري بريح الحظ من سكرته قام
صادف سنابل حلم عمري وطحنها
مدري الطفولة احلامها تولد اوهام
ماتت ولكن هاجسي ما دفنها
خلت عفيف النفس ظلن له عظام
ومن الوزى لا هج عنها زبنها
اصبح يبيع ويشتري يباع ويسام
داس المبادي بالاقدام ولعنها
مدري ولكن جايز الموت الهام
من حب روحي قام يتلي ضعنها