أنا سيّد زلال - الما
وأنا الأضواء - والظلمى ..
أنا اللي أرسم الفكره
- أشكّلها - والوّنها - أدوزنها - وتتمايل !
على سلّم موسيقاها
وأثبّتها على التكّه
وأطمّنها من الربكه !
أنا أصنع للحروف ايدين
[بدون أحتاج للتضمين ]
وأصيغ الفمّ للكلمه
تغني وسط هالزحمه !
انا اخلِق ضلعها
"منها "
واخلي الشعر يحضنها !
إذا شعر البشر :
له همس !
انا شعرِي
" جبين الشمس "
تطوله ؟ لا
وتحسّه !
ولاتقوى على " لَمسه "
ولا لي بالشعر " غايه "
ولاني ب ارضه " التايه "
أعرَفه زين " يعرفني "
ولاهو عيب " تجهلني "
ترى أكبر " شي يقتلني "
إذا مثلك " بيمدحني "