يامعجب / تقول انك لشعر النسا منحاز
ياليتك / توفّر هالمشاعر / ورايك .. لك
مرزز / ميَة صورة / تِقِل " صالح العزاز " !
تبينا / ندقق في كلامك / أو ف شكلك ؟
على بالك ْا عيونك معاها / حلول ألغاز
تَحَسب ان ازارير العذارى / تّفكك لك !
ترى لي / حميّة شيخ .. ولي فالشرَّف مركاز
وحجة محبَّتْك الشِّعِر.. ما / تملِّك لك
تحديتني يمكن .. ولكن من اللي فاز
على الرغم من ألفين مبدع / مشارك لك
اذا انّك وصلت ل وزن مطلع ؟.. وصلت انجاز
وعشرة كسور ٍ في القصيدة / تضاحكلك
تبي تفهم المغزى : عط الخبز للخباز
فلاحد ٍ( سمع بالذائقة ) .. يشتهي أكلك
وانا عادتي ما احط بالي للإستفزاز
بس اني أبيك ْاتشوف غيره / يشبِّك لك
وخذها من العطر.. الصراحة بكل إيجاز
لوإنك تخلي النت كله .. ترى ابرك لك