آه وفاش تفيد الآه

آه وفاش تفيد الآه

فاش راها تفيد لي ما عندو جهد

آه ممزوجة بالحرقة

آه من دم ذاك الولد

حقرة لي ما لقى فارضو سبع

وردها على لسانو وعينو تدمع

شد المقلع

شد الجباد ودفع

قفز ذاك الشبل من فوق الشنادر

السبع ولا ضبع

من قوة ما كلى وشبع

قاعد يشوف ما يدير فلشبال قرد كافر

ولي ما عندو دراع

يردها على لسانو وعيونو تدمع

آه يا امة حتى شي ما فيها ينفع

آه يا كروش ما كتشبع ما كتقنع

آه صرخة الكون كلو سمعها

والمقصود بها ما كيسمع

آه من حرقة لكبيدة دلوالدة

ميما قليبها تفجع

كيف هو قلب هد الام

واش من صخر مخلوقة او بحال لعباد

واش هدا حال كل مسلم

اوالمسلم فيه وفيه من بلاد لبلاد

ولي مسكين ما عندو دراع

يردها على لسانو وعينو تدمع