قربوا لي العود ما ودي كمان
دقته تنسي هموم ابعثره
قربوا لي العود لي منه زمان
يومنا يا القرم يومن نسهره
قربوا لي ياه نقلب هالمكان
نجعل المزيون عودي يسحره
جيت اصيده صادني كنه بجان
كان طُعمي للاسف ما امهره
هايم ابرمشه وصده لي جنان
ما يهم غيره وابد ما ستخصره
شفته وشعري تغنى ليل دان
شفته ووردي هديته وانثره
والسبب عاشق ولي فالعشق شان
لا أنا قيسن ولاني عنتره
من تجلى كن فؤادي به حنان
ودنا يرقص بغطوة امشجره
اسقنا من هالعذاب اكثر عشان
يبتدي ليل السمر وبنسمره
لو كسرت الشعر قل خلك بزان
دام ما يعجبك كسري ما كسره
آه من عينه اموت بهالبنان
كيف لو شفته بمشية امبختره
ياحبيب الروح ياصافي الثمان
غير زولك والله اني مااذكره
والخصر كنه عويد الخيزران
لاتمايل ينفصل عن مضمره
من عرفتك والليالي ارجوان
جل من سواك يانور الكُره
ياحبيبي ليت تدري كيف كان
وقتي ابدونك ظلام ومرمره
ويل حالي صار قلبي كالجبان
يذكر المزيون وسط الجمهره