عطشى الأماني والأمل أصبح سراب

عطشى الأماني والأمل أصبح سراب

ماتت إراداتي ولا فيني عزوم

تلاشت أحلامي على متْن الغراب

وهبت رياح مْحمّله حزن وهموم

حلمي على شانه تحدّيت الصعاب

استجْمعَ قْوايه عشانه كلّ يوم

بسّ انكسرْت وراحت أتعابي هباب

صدمة عمر شنّت على قلبي الهجوم

ما فادني صبري من أنواع العذب

إلا قسى صبري علي واصبح ظلوم

يا حلمي القادم عليك الاغتراب

ما دامها حسب العوايد والسلوم

ما دام كل اللي حوالينك ذياب

تنهش وتبطش همّها أكل اللحوم

في ذمتي ما بينكم يُكتب كتاب

ما دام يدخل فالعلاقة من يسوم

اجمع شتاتك دام ظنّك فيه خاب

ولّي عطيته لا يُردّ ولا تلوم

ولي اعتبرته نور عينك والزهاب

يرحل بعد ما كنتمَ الاثنين توم

الله يعوضني في أيّام الشباب

اللي قضيته منتظرها بْكلّ يوم