جالس من اليوم اتحرى اتصالك
واراقب الساعة دقيقة دقيقة
مشغول بالي: ب ايش مشغول بالك
عن قلبي اللي تشتعل به حريقة
عقب الغياب ابسألك: كيف حالك؟
اسبوع كامل مر ما كنت اطيقه
من يوم رحتي لين جيتي ب فالك
وانا ادفن احلامي بوجه الحقيقة
عبرت حزني والسهر من خلالك
مع كل مشرق شمس يبدا بضيقة
شوفي حبيبك واسعديه بوصالك
ترى الصبر ما كل عاشق يطيقه
وشلون اببدا رجعتك في جدالك
وانا جروحي في غيابك طليقة
وبراحتك.. ما عندي الا حلالك
لو ان هذي ما تسمى طريقة
جالس من اليوم اتحرى اتصالك
واقول يمكن تتصل هالدقيقة!!