سلام الله على حسنك وزينك

سَلَامْ الله عَلَى حِسنك وزينك

لِدِينْ العُوْد واخدودٍ رهايف

يغار الفجر مِنْ طلعةْ جبينك

وغَار اللَّيْل مِنْ شعرٍ رضايف

وانَا أغار مِنْ عَيْني لْعَيْنك

إذَا تنظر بعين الْشَّوْق شايف

ومِنْ شعْرك إذَا لامس يمينك

ومِنْ شرتى النسيم ان يَاك رايف

رياح الوَرْد مِنْ بنَّةْ خنينك

عقيد السَّوْلِعِيْ قِدتْ الولايف

بأخلاقك وأوصافك ولينك

ملكتْ القَلْب يَا حِلْو الوصايف

دِمَجْنَا الوِدّ مَا بيني وبينك

بِيَدْك لحكم واحكم بالنصايف

ترفّق وارحم اللّي مَا يهينك

ولَوْ بسمه مِنْ ارهاف الشفايف

حبيب الرُّوْح مِنْ عَيْنِكْ زبينك

ومِنْ لحظةْ فتون العين خايف