شفت في عيونك شي قال أبيك
ارتوت فيني العاطفة كنت ذابل
أحيانًا النظرة هي الي تحتويك
أحيانًا الضحكة هي الي تجامل
يا سخاء روحٍ ما تاخذ وتعطيك
يا طموح قلبٍ مستسلم يحاول
هو سؤال بتجيني ان قلت أبيك ؟
يا ايامنا المقبلة متى بنتقابل ؟
هو الشوق مثل ما يمرني يجيك ؟
يا شجر غصنًا لجل عينك يتمايل
كل قطرة مطر تتساقط تذكرني بطاريك
ونجوم الفلك اشاهدها على مراحل
وأنا بين السماء والأرض افكر فيك
انا في حضوري بين الناس راحل