امشي واقول العمر مره ياعُمري
واثرك من اللي ياتي ف العمر مره
حاولت امارس معْك كرّي وفرّي
والقاني ، مهزومك ب كرّه وفرّه
حاولت اخشك ف الحنايا يا سِري
وتفضحني اشعاري على حين غِره
حاولت أعربد له شعوره ب خمري
وعربد لي شعوري من اصناف خمره
حاولت اعلمه بعض حلوّي ومُري
والقاه في جنبي ، في حلوه ومُره
حاولت اجي شايل ثماني وعشري
وأرجع مضيع ، هال ثمانٍ وعشره : )
حاولت اقلل وصفه فبعض شعري
لان العذارى صايره تموت حرّه : )
حاولت اضيعه بين ، نصبي وجري
وضيعني وسط قش كني هالأبره ..
حاولت متأخر ، وحاولت بدري ..
أهلكني هلالك وبدره و قمّره !
حاولت ابي أنساك واقفي واسري ..
ونسيت ما كل مره تسلم لي جرّه