صارحني قولي
كلمة عفاك
لا تخلينيش نغلط فحسابي
ولا قلي الله يسعد مساك
هذ الحال نفقد بيه صوابي
ما تخليش لكلام متجرد
خليه واضح ليا مفهوم
لا يفوت الفوت وتبعد
ويبقى عليا وعليك اللوم
وكلها يقول هذا مكتابي
ما كافيش الحب بالاشارة
ولا بالمعنى ولكلام المرموز
الحب فيامنا عندو يمارة
ملي يلقى لكلام منين يدوز
ولو تقول انت اعزحبابي
هانامن جيهتي هدرت وعبرت
وقلت الجاتم على صدري
وقبل ما نهدر خممت وفكرت
ولقيت هدا جهدي وكمال صبري
فتحت لك قلبي وحليت كتابي