باكر يجي.. يا شيب عيني من الويل
من عقب ما سافر سنينٍ مديّه
ش اقول له.. صاروا عيالي رجاجيل
ش اقول له؟.. ماني بعهدي وفيه!!
إن قلت له إني تعذبت بالحيل
وان قلت له أكبر عيالي سِميه
يبي يعذرني ويترك القال والقيل
والا يجي ويّا زماني عليّه
وان جبت حظي والمقادير.. تعليل
واني ضعيف.. ورغبه الله قوية
يبي يصدق كلمتي دون تحليل
والا يبي ينسف كلامي عليه؟
ش اقول له؟.. ماينفعنّ الأقاويل
ما دمت ماني في وعودي وفيّه