متى ما شعت الفكرة براس المبدع الفنان
وهي اكبر من ابداعه وفنه ماتت الفكره
واذا جت صدمةٍ هزّت من الداخل شعور إنسان
ولوهي راحت بسرعه بقى طول الزمن ذكره
وانا شفت الزمن طيرٍ هزيل وصرت له جنحان
واحس أن الألم سلك طويل وعمري المكره
ترى بعض العجاج اهون على الطرقي من الدخان
وطول اليوم ما يطفي لهيب الشوق عن بكره
وترى اكثر من يخاف من المطر من يسكن الوديان
ومن هو بالعطش مذبوح يشرب موية عكره
إذا انه ما صدق حلمك .. فحلمك خله اللي كان
مدام أن الفرح موجود عند البعض واحتكره
جميل نعلل الفرقا على انه باب للنسيان
واذا كبرت عزوم الطير ما يرتاح في وكره
ترى كل العزاء للي يحب ولا عشق ماخان
وبعض الناس له قدره تحب وقدرة تكره!!
وانا أجمل من عشق قلبي حبيبٍ ما ترك عنوان
رحل .. واللى بقى رشة عتابه .. همهمة شكره