كل ماونست برد وضم كفك بكفك
بينهم شب جمر وصب منهم عطر
ودي اكون ذاك اللي على صدر رفك
دفترٍ فيه سطر وماسحٍ فيه سطر
الضما مي وملح البحر عذبٍ بضفك
وصيف خدك شموس وغيمتين ومطر
انت عذب وحلو والكل واقف بصفك
لو تبيها وصال ولو تبيها هجر
آه ياقو جرحك وآه يا لين عطفك
وآه ياصدفةٍ تسوى وعود العمر
استلذ بشفاتك كل ما اسرجت حرفك
كيف تجمع النسانيس الصبا في ثغر
في ضلوعي خفوقٍ كل ما فل .. لفك
يملسك داخله صمت وحنين وجمر
شفت كحلك هجاد وقلت لابد طرفك
أنغرق في حكاياته سكون وسهر
مال زول النحيل ولا روى العين رشفك
تشربه نظرتك شرِب الندى للقَطَر
من جمالك لو أكتب عن جمالك بوصفك
غاروا أهل الكويت ومنك غاروا قطر
لك قصيدي وشكري لمتنانك ولطفك
دون حلياك محدٍ يستحق الشعر