سويتها قصة طويله عريضه
و خليتني الغلطان في كل الأحوال
لا جيت أبدي راي تبدي نقيضه
دايم تخالفني على كل موال
مدري جهل و إلا انت نفسك مريضه
و إلا انت طبعك تعشق القيل و القال
إن غيّروك أهل القلوب البغيضه
و الله ما تسوى و لو ربع مثقال
و إن عفتني يا زين ماهي غميضه
ألقى بدالك ناس ألوان و أشكال
هواك ماهو في حياتي فريضه
إن طرت أو وقّعت ما انته على البال
هي كلمتين صغار ماهي عريضه
أقولها ما أبيك في كل الأحوال