مسّني قبل الثلاثين اغتراب
واندفنت بلا تراب ...
مسّني .. في عتمة أيامي حضوره ،
واحتضاري ...
ضمّني كنه ... ولكنه غياب
في مرايا من الحنين ، ف ظل شمعة
مسّني ...
والشوق مسّاني ... ولا رديت يسعد هالمسا
( شعر )
مسّني ... والغيّ ساكن
والأماكن .. أم ، لكن قاسية
ما بلل الهايم ورق ... والغيم داكن
خربش الوادي شجر ليّن ولكنّه قسا
والشعر مساني .. ولا رديت يسعد هالمسا
( بعد)
مسني حلم اشتعال ..
جمر في الذكرى ... يناديني تعال
وانطفينا في الوساده
ماصحيت الا على آخر خيال .. وصحت : وينك ؟؟
للحسا ...
ذكريات اللي نسا
والبعد مساني ... ولا رديت يسعد هالمسا
( بوح )
مسّني صمتك سكوتي ..
من نقصتي في الشتا صوتي ..
كأنه ما اكتمل في الصيف حب
كم نقص عطر وأغاني ،
كم نقص بنت وولد ؟
هذي أطرافي .. بدون لحافك الدّافي :
بلد حافي
وهذا انتِ :
حدود بلا بلد
كلّميني ..
كمّليني
للحكي مرسى
وانا صمتي على سكوتك رسا
والبوح مساني .. ولا رديت يسعد هالمسا
( حب )
مسّني والحب حيله
والحبيبه _ في غيابك _ مستحيله
حايلتني .. ويين .. كم أنثى ؟
ولا حايلتها ..
كل النسا ... بعدك نسا
والحب مساني .. ولارديت يسعد هالمسا
( ليل )
انتي أقسى من ظلام الليل لكن
آتحمل قسوة غيابك واغني:
اعترفلك
إني طفلك
وانحني غصن تفاح .. انقطف لك..
واتحرى جيتك
يمكن وياعل وعسى
والليل مسّاني ولا رديت يسعد هالمسا..
( حزن )
يا صباح الدمع .. يا
وجهك اللي لوكتب
أول الليلة ضيا
ما تصفّحته عتب
وجهك الليلة تعب
وجهها ..
ياوجهها اللي ضاع قللي
وين ابرحل فيك ، عنّك
واختفيك ؟
وجهها يالمستحيل ..
احترت كيف ارتحت فيك ؟؟
وانت لي برد وتعب
مسّ في الظلما تلحّف واكتسا
والحزن مساني
وأنا رديت يسعد هالمسا ؟