يا أحبّة :
لاتلوموني إذا اهتزّت غصون الصوت
و تْساقط بُكا !
مؤلمة الليلة كثييير !
.. من الأخير :
إمنحوني عن جليد الصمت .. صوتٍ أحطبه
.. لحنٍ أشبّه !
باردة الليلة كثيييير
يا أحبّة
لاتخلّوني على حدّ المواجع والمصير
منكسر قلبي .. وْجَنَاحي
ووين أطير ؟
وذاك
.. ذاك ال كنت أحبّه
..: كنت أحبّه ؟!
و ..
صرت أحبّه !
سافر بكل السّما والغيم والضيّ
وْ ترك لي :
ريح .. تنحت من صخور الذاكرة وجهه ..
.. تهبّه !
يا أحبّه
مابقى لي غير إنتم .. لاتخلّوني وحيدة !
إنزعوا منّي حنيني له ..
.. وجمراته .. جليده !
كونوا فاصل .. بين أشيائي البليدة
كونوا أمنٍ مستتّب .. وكونوا راحة مستتّبة !
يا أحبّه
.. يا أحبّه :
من بيشعل لي فتيل النور .. لاهبّ العتيم ..؟!
من يكون إليا تمخلابي جفافي .. ريح ديم ..؟
من يَغَرْس الذاكرة نسيان ..؟
وانسى ال كنت أحبه
..: كنت أحبّه ؟!
و ..
صرت أحبّه !
يا أحبّة .