إليا امتلا جيبك ألوف وملايين
أو صار لك كرسي وللناس حاجة
جالك حثال الناس حافين ماشين
يسعون في حاجتك سعي الدجاجة
واصحابك اللي في محبتك وافين
أصواتهم ضاعت بوسط اللجاجة
اياك تنسى صاحبٍ لك من اسنين
اختار شخصك قبل ثور العجاجة
ما جابته دنيا تزينك ذا الحين
خاواك وقت الضيق قبل انفراجة
يوم السنين اعجاف وانتم مساكين
وكل على قده ودوبه خراجه
لو هانت الصحبة وهان المحبين
بدلت حالك للشقى والعواجة