إخواني ماشي في البلاد سوّاحْ
عمال ينادي أنا الزعيم مصباحْ
لفّيت دروب الوطنْ
علشان أكون مرتاحْ
أبكي وقول مفتاحْ
فتح لي حزب النورْ
وقال خلاص ترتاحْ
إحنا معاكْ ماشيين
للشرع مسا وصباح
قالِ اللئيم اطلبوا
هيكونْ طلبكو متاحْ
قالوا ياعمِّ استحي
إحنا وقوفنا سماحْ
نجحْ بفضل الله
ثم بفضلِ كفاحْ
نور المحبه وعدْ
وفّى وصوته نجاحْ
حزب الرئيس انتفخْ
غدر بكل الناسْ
شوه رجال السلفْ
سلّط عليهمْ فاسْ
وقال عليهمْ عينْ
للأمنِ والوِسْواس
حسبْ حِسابه غلطْ
ردّت عليهِ الفاسْ
نسى الحقود نشأتهْ
وحبه للأرجاسْ
قالوا نَادِرْكُمْ خطى
عزّى مصابْ خنّاسْ
مفتي الجماعه وقعْ
وقال بكلِّ احْساسْ
رَحَمْ إلهنا البابا
والرحمه ليها ناسْ
وقال بكل سرور
في الأزهر الحسّاسْ
مصري إلهه الواحدْ
يشمل جميع الناسْ
والشيخ صوابه اتفقدْ
في المجلس الجسّاسْ
أبّنْ شنوده وقالْ
مُصَابْنَا فيه للراسْ
والعين بتدمعْ
والقلبِ يحزنْ
كأنه من بني العباسْ
والبنا مال عن شيعه قال
إحنا وهمَّا للأصول حرّاسْ
قالوا يا نور استحي
إنت فشلت خلاص
شقِّيتْ صفوف الدين
وبعدت عن إخلاص
للجبهه صرت أسير
وفي صدري كنت رصاص
طبعا كلامكم غلطْ
كدّاب بيحدف زلطْ
مين في حزبه خلطْ
كافرْ معاكم لهط
ناصرْ عليكم شرطْ
ليبرو وفيكم شبط
وراح عليكم ظرط
كوكتيل علينا سقطْ
باسم التوافق نشطْ
عالدّين يا قلبي شفطْ
والصّف أصبح نُقَطْ
بطيخْ بصورة عبط
منهج جميعه شطط
عاملين مثال القطط
تاكل وتحدِف زلط
إنتم عَايزين طراطير
تسمع كلام دبابيرْ
إنتم عايزين حناطير
يركب أمير ويْطيرْ
يرخي الحبال وتسيرْ
يسحب لجامه يديرْ
ويوقّفْ الطراطيرْ
وان كنتم مش فاهْمينْ
أو كنتم مستعلينْ
فالحرب دايره سْنينْ
وانتم حسابْكم طينْ
في الدنيا مش نافعينْ
بالشرع مش ناويينْ
ظابط بلحيه حزينْ
من موقفِ العَاجْزِينْ
والبنت دوللي يا عينْ
مبسوطه منِ السّامعينْ
مدوا القرار واتنينْ
كبريه وخمر وشينْ
واشهد غراب البينْ
على نهضةِ الحُلْوِينْ