جففت الحرف بمكتوبي
اسقه شوفك يا محبوبي
امشي لك وارضك تمشي بك
راحت فيك لغير دروبي
ودي ليله ماني صوبك
مثلك ياللي منت بصوبي
كلك من راسك لرجولك
تطري لي وتزيد ذنوبي
بعد الغيبه لو اسبّك
قول:"تمون العن مندوبي"
مازلت اتنفسك بفكري
وامزّ السيقار الكوبي
واذكر
خلخالك
و سوارك
سلسالك
والفص الروبي
واتذكر لونك يا غيمة
واتخيّل تنصبّ بكوبي
قطر النحله ، لون عيونك
ورمشك سهم يمسه نوبي
ومره شعرك مثل ايامي
ومره مكوي كنه ثوبي
تحت العين اليسرى
شامه؟
ولا حبة بُن اثيوبي
مثل القشطه يوكل خدك
مثل الما ريقك مشروبي
الدحّه؛ تنهيدة صدري
العرضه؛ نغزات جنوبي
و نبضاتي ،تدبك وتهوّس
واحيانا تلعبّي چوبي
قالوا لي يا مطول ليلك
دون الغايب قلت:اسروا بي
عيبك مابك عيب الا انك
ما ترحم لا شفت عيوبي