للياس فينا يا الامل رفّت اعلام
رفّت ولاهي عن منانا خجوله
نكتب شقانا دمع في حبر الاقلام
شيٍ نقوله وشي.. لا مانقوله
أسياد عاشوا داخل قلوب خدّام
أسرى مشاعر هاذبه مع خيوله
وكم جاريه نامت على نبض ضرغام
الناس كلٍ بالغلا له ميوله
متخرجٍ من مدرسة جور الايام
وشموخي الفارع عجز من يطوله
أفهم شعور الفقد بعيون الايتام
وافهم شعور اللي تبي ماتقوله
تناقضات اشيائي اللي من أعوام
تشكّلت بالهون ماهي عجوله
العام قلنا: يمكن الخير قدام
وقدّام جانا والدرو في سيوله
لا احنا تعايشنا ولاتحقق أحلام
كانت معانا من زمان الطفوله