باحسد الأميين
لان الكلام لسه عندهم غامض
أما كلام المثقفين
في كل ندوة تلقاه ..
حامض ..حامض
والأزمة مش في الحروف
أو ترتيب الألفاظ
الأزمة في النفوس
فيه ناس بتشوفك حرّان
تعزم عليك بكباية عرقسوس
وناس تشوفك عرقان
تزقك لنار جهنم
أو تنخر في سيرتك: سوس!
باحسد الأميين
في يقينهم العجيب
وباضرب كف بكف
لا أنا قادر ابقى زيهم
ولا أنا قادر اقف مع المتعبيين ثقافة
.. في نفس الصف
دلوقتي اقدر أعرف
ليه نجيب سرور عقله خفّ!