يا قلب لا تشكي من الضيم والياس
وارفع طموحك فوق هام السحايب
ما دام راسك حي لا تحني الراس
والرزق عند مكون السبع طايب
من باعنا بعناه .. والناس اجناس
واللي شرانا نعطيه كل الوهايب
لا يزعجك هرج القفا وبعض الانجاس
خلك جبل ما هزته ريح هايب
حنا ورثنا الطيب من ساس نبراس
يوم الردي فعله مع الوقت غايب
اصبر على دنياك لو عشت محتاس
لابد من عقب العجاج الهبايب
واللي نساك انساه واقطع له الياس
من لا يعدك ربح .. عده ضرايب