يالوليف الغالي اتركني بهوني
خل قلبي يعشقك بالهون خله
ماتلاحظ قدرك بداخل عيوني
وفي عيوني حافظ لك القدر كله
في رجا وصلك ولا خابت ظنوني
اشفق لوصلك ومنتظره واجله
يامناة الروح ياعمري وكوني
ياحبيب القلب تكفى لا تعله
دايرٍ بالي عليك ولك حصوني
ضلعك الثابت ولاتلحقه ذله
حكيك بقلبي عسل مهما يكوني
وصوتك اللي يسقي القلب ويبله
ولو يغيرك الزمن تبقى تموني
لك بقلبي منزلٍ محدٍ وصله
لاتخليني ولاتقعد بدوني
الحياه بدوني وبدونك ممله