أحلى حاجة بحبها
في الدنيا ديه
هيه ضحكة سمعتها
من بين شفايفك
من يومها قلبي من السعاده
اللي فيه
عمال بيحضن بالمنى
نور ابتسامتك
قربت ليا خطوتك
وساعتها مديت خطوتي
وصابني سهم بنظرتك
زود سعادتي وفرحتي
وجريت عليا وجريت عليك
مديت ايديا ومديت ايديك
وقبل ماتلمس ايديك
ملمس ايديا
سبقها قلبي من الهنا
سارق عينيك
هوه فيه في الدنيا
اتنين زيينا
والا فيه في الدنيا
إتنين قدنا
يادنيا حبي وزودي
أيام هنايا
داحبيبي اللي ارتاحت له
دايمن معايا
إن نسيتك ياحياتي
لو دقيقة
القى قلبي ياحياتي
مش ناسيك
واما باسكت ياحياتي
لو ثواني
القى روحي ياحياتي
بتناديك
واما باسرح ياحياتي
ف حد تاني
القى برضو إني باسرح
بس فيك
وان سرقني ياحياتي
النوم وخدني
القى نفسي ياحياتي
حلمت بيك
هوه فيه في الدنيا
اتنين زيينا
والا فيه في الدنيا
إتنين قدنا
يادنيا حبي وزودي
أيام هنايا
داحبيبي اللي ارتاحت له
دايمن معايا
لو شرقنا وروحنا وجينا
أوغربنا
نلقى ف أي مكان بنروح له
ناس أحبابنا
لو ضلينا ف مرة طريقنا
بنلقى العالم
ماده ايديها ف وسط الضلمه
وواخده بإيدنا
وان فتحنا وشوفنا الحزن
بيستقصدنا
نهرب منه بحاجة أكيد
هيه بتسعدنا
واما الدنيا بتيجي تكشر
عن أنيابها
نلقى قلوبنا تقول للدنيا
بلاش تتعبنا
هوه فيه في الدنيا
اتنين زيينا
والا فيه في الدنيا
إتنين قدنا
يادنيا حبي وزودي
أيام هنايا
داحبيبي اللي ارتاحت له
دايما معايا