لاتضيّعني وتحسب مبلغ استرجاعي
لو تبيع سنين عمرك ماتغطّي الكلفة
اِعتبر جملة جهودك دون قيمة وداعي
ولايسوّل لك خيالك تعتقد متأسفة
كلكم راعي ولكن كم يخون الراعي
وكمّ حاجة افتقدها بس كلّي عفّة
ماني من تجّار عصري بس شوف أطباعي
اعطي الموجود واشعر بالرضا والألفة
وإن فرحت بعاصفات تهز عمْد شراعي
اِذكر أنّي عابرة من ساحلك للضفّة
ولو يجيب أخبار أهل الطيب صوت الناعي
اِذكر أنّي عن طباعك يا الردي مختلفة