عسى الله يسقي ديرة الرين ياسلطان
من الغيمة اللي مقبله عصر ذاالجمعه
لك البيض تركز يالوفي باطول الضلعان
كسبت الجمايل قبلها العز والسمعه
وعجل وشغل لي جديد ن من اليابان
يقرب ديار ويبعد هموم ن مجتمعه
بدل كلمة الغالي نوينا علي نجران
ومن شأنه أجنب عقب ماطاحت الدمعه
شجيع ن صميدع راس ليل الدجا قد بان
خويي ولا أدور وراء خوتة طمعه
وفي ساعة الشدات لاتزهم الذلان
ولا تامن النمام وقريب الرمعه
وذكر الكريم يعيش لو ضمتة الأكفان
وراع البخل بيموت ماولع الشمعه
ختام القصيدة ذكر ربي عظيم الشأن
رقيب ن لخلقة ول دبيب النمل سمعه