ما ردّني للشعر يا غير " طفلة "
تمرجح بصدري وأنا شاعرٍ عفّْ
خلّت خفوقي شمع/ والنبض حفلة
من دوزنتني واوزنتني على ( إفْ )
ياويل حال اللي على حين غفلة
تهايفت به لييين ما خاطره : هف !
( ريميّةٍ ) جفلة ولا هي ب جفلة!
شفشوفةٍ تعطي شفاوة على شفْ
من بعدها يالورد من تنقطف له ؟!
من قبلها من ممكن يقال له : دَفّْ ؟!
الشهد بشفاها شفى من اغرف له
والليل ضيّفته شعرها - وما ضَفّ
قليلها من كثر : ما ينعرف له
وكثيرها من قِل : - يثقل ولو خف !
ما كنّها إلا " ذنب " ما ينأسف له
أفلت من الغفران - يوم النّهر جفّ
عطيتها مفتاح قلبي وقفله
وعطتني القلب الخلي وانهزع رف
قلبٍ كثر ما عفّ بيدين طفلة
تمرجحت به.. لا تعافى ولا عفّ!