يا بن جمعان محبوبي الذي حب وأهوى
ذي به القلب يسكر حين يذكر ويغوى
صد عني وخلاني فديته تلوى
وابتلاني وقدني قيم ما اقدر لبلوى
من رسولي إليه أبغاه يوصله شكوى
من فعايله ذي ألقاها حبيبي وسوى
أو من اللي من أصحابه بحبله تلوى
عل يوصلني أو يفتح لي الباب رجوى
في اتفاقه عسى حالي بسهنته يقوى
يا صبا صله روه لي ولو ما يروى
قل له إني لقيت اليوم خلك محوى
عند بابك إذا أعوى له الذئب عوى
بعد ذيك الدعاوي حط لك كل دعوى
وأعترف بعد قوته إنك الليله أقوى
قاق لك قاق لك يا ذي سحابه تحروى
فوق غيله ويمم راس واديه وأنوى
وأصبح السيل وأمسى في سواقيه وأروى
من دفوقه وعندي زرع ما سهنه يروى
يا ملامتك يا ذي ساعه منك تسوى
ملك عامر ودولاته وما كان يحوى
في عمر بك أخباره وسيرته تروى
لا ربي في ربى حاجر ولا حول حروى
لا ولا رام في رامه محله ومثوى
ما هو إلا معك في هينن أقطن ودوى